హైదరాబాద్​లో నీటమునిగిన పలు కాలనీలు

తౌక్టే తుపాను ప్రభావంతో హైదరాబాద్​లోని పలు ప్రాంతాల్లో భారీ వర్షం కురిసింది. వర్షానికి కార్వాన్ నియోజకవర్గంలోని లోతట్టు ప్రాంతాలు జలమయమయ్యాయి.

హైదరాబాద్​లో ఈ రోజు కురిసిన భారీ వర్షానికి కార్వాన్ నియోజకవర్గంలోని లోతట్టు ప్రాంతాలు జలమయమయ్యాయి. నీట మునిగిన నిజాం కాలనీ, మీరాజు కాలనీ, హకీంపేట్, కులీ కుతుబ్ షాహీ నగర్, బాల్ రెడ్డి నగర్, విరాసత్ నగర్ పరిసర ప్రాంతాల్లో కార్వాన్ ఎమ్మెల్యే కౌసర్ మోహినుద్దీన్ పర్యటించారు. మధ్యాహ్నం1 గంట సమయంలో 60 మీల్లిమీటర్ల వర్షం రావడంతో లోతట్టు ప్రాంతాలు జలమయమయ్యాయి అని తెలిపారు. అధికారులతో మాట్లాడి సహాయక చర్యలు చేపట్టారు.