తెలంగాణ ప్రజలకు రాష్ట్రపతి శుభాకాంక్షలు

రాష్ట్ర ప్రజలకు రాష్ట్రపతి రామ్​నాథ్​ కోవింద్​.. తెలంగాణ ఆవిర్భావ దినోత్సవ శుభాకాంక్షలు తెలిపారు. యావత్​ దేశం గర్వించే సంస్కృతి, సంప్రదాయాలు, సాహిత్యం తెలుగువారి సొంతమని ఆయన పొగిడారు. అభివృద్ధి పథంలో ముందుకు సాగాలని ట్వీట్​ చేశారు.

రాష్ట్ర ఆవిర్భావ దినోత్సవం సందర్భంగా రాష్ట్రపతి రామ్‌నాథ్‌ కోవింద్‌ తెలంగాణ ప్రజలకు శుభాకాంక్షలు తెలిపారు. కష్టపడి పనిచేసే తెలంగాణ ప్రజలు దేశానికి అందించిన సేవలు చిరస్మరణీయమని పేర్కొన్నారు.

యావత్‌ దేశం గర్వించే సంస్కృతి, సంప్రదాయాలు, సాహిత్యం తెలుగువారి సొంతమని కోవింద్​ వెల్లడించారు. తెలంగాణ రాష్ట్రం సుసంపన్న భవిష్యత్‌ దిశగా, అభివృద్ధి పథంలో ముందుకు సాగాలని ఆకాంక్షించారు. ఆ మేరకు ఆయన తెలుగులో ట్వీట్‌ చేశారు.

ఇదీ చదవండి:తెలంగాణ ఆవిర్భావ వేడుకలు.. ఈసారి గిట్లనే!