కరోనా బాధితుల మరణాలపై మానవ హక్కుల సంఘానికి పొన్నం ఫిర్యాదు

ప్రభుత్వ నిర్లక్ష్యం కారణంగా సరైన చికిత్స అందక ఇద్దరు కరోనా బాధితులు చనిపోయారని రాష్ట్ర మానవ హక్కుల సంఘం ఛైర్మన్​కు టీపీసీసీ వర్కింగ్​ ప్రెసిడెంట్​ పొన్నం ప్రభాకర్‌ ఫిర్యాదు చేశారు. ప్రజలకు సరైన వైద్యం అందించేలా ప్రభుత్వాన్ని ఆదేశించాలని కోరారు.

రాష్ట్ర ప్రభుత్వం నిర్లక్ష్యం కారణంగా ఆదివారం ఇద్దరు కరోనా రోగులు చికిత్స అందక మరణించారని... రాష్ట్ర మానవ హక్కుల కమిషన్​కు టీపీసీసీ వర్కింగ్ ప్రెసిడెంట్ పొన్నం ప్రభాకర్ ఫిర్యాదు చేశారు. ఎర్రగడ్డ ఛాతీ ఆసుపత్రిలో ఆక్సిజన్ అందించడం లేదంటూ ఒక వ్యక్తి... తన కుటుంబీకులకు వీడియో ద్వారా తెలియజేసి ఆ తర్వాత మరణించారని పేర్కొన్నారు.

ఎనిమిది నెలల బాలుడు కూడా గాంధీ ఆస్పత్రిలో సరైన వైద్యం అందక మృతి చెందాడని తెలిపారు. ఈ ఘటనలపై విచారణ చేపట్టాలని... ప్రజలకు సరైన వైద్యం అందించేలా ప్రభుత్వాన్ని ఆదేశించాలని రాష్ట్ర మానవ హక్కుల కమిషన్ ఛైర్మన్​కు పొన్నం లేఖ రాశారు.

ఇవీ చూడండి: ఉద్యోగినిపై అధికారి దాడి.. నిందితునిపై నిర్భయ కేసు