ఏప్రిల్​ 4న పీఓ, ఏపీఓలకు ఎన్నికల తుదివిడత శిక్షణ

తొలివిడత ఎన్నికల నిర్వహణ శిక్షణ కార్యక్రమానికి గైర్హాజరైన ఉద్యోగులకు తుదివిడతగా ఏప్రిల్​ 4న శిక్షణ కార్యక్రమం నిర్వహించనున్నారు. పీఓ, ఏపీఓలు తప్పనిసరిగా హాజరు కావాలని జిల్లా ఎన్నికల అధికారి దానకిషోర్​ తెలిపారు.

లోక్‌స‌భ ఎన్నిక‌ల నిర్వహ‌ణ శిక్షణ‌కు గైర్హాజ‌రైన ప్రిసైడింగ్ అధికారులు, స‌హాయ ప్రిసైడింగ్ అధికారుల‌కు తుది విడ‌తగా ఏప్రిల్ 4న శిక్షణ‌ నిర్వహిస్తున్నట్లు హైద‌రాబాద్ జిల్లా ఎన్నిక‌ల అధికారి, జీహెచ్ఎంసీ క‌మిష‌న‌ర్ ఎం.దాన‌కిషోర్ తెలిపారు. సికింద్రాబాద్​ హరిహర కళాభవన్​లో మధ్యాహ్నం 2 గంటల నుంచి 5 గంటల వరకు జరిగే కార్యక్రమానికి తప్పనిసరిగా హాజరుకావాలని ఆయన పేర్కొన్నారు. ఎన్నికల విధులకు గైర్హాజరయ్యే అధికారులు, ఉద్యోగులపై ప్రజా ప్రాతినిధ్య చట్టం ప్రకారం క్రమశిక్షణ చర్యలు తీసుకుంటామని దానకిషోర్​ హెచ్చరించారు.

ఇదీ చదవండి :"నిండు గర్భిణీలెక్క కాల్వలు కళకళలాడుతయి"