గురుకుల పాఠశాలల ప్రిన్సిపళ్ల నియామకాలపై హైకోర్టులో పిటిషన్

గురుకుల పాఠశాలల ప్రిన్సిపళ్ల నియామకాల్లో అనర్హులను ఎంపిక చేశారని హైకోర్టులో అభ్యర్థులు అత్యవసర పిటిషన్​ను దాఖలు చేశారు. 4 వారాల్లో వివరణ ఇవ్వాలని ప్రభుత్వానికి, టీఎస్​పీఎస్సీకి హైకోర్టు ఆదేశించింది

గురుకుల పాఠశాలల ప్రిన్సిపళ్ల నియామకాలపై హైకోర్టులో పిటిషన్ దాఖలైంది. అనర్హులను ఎంపిక చేశారని ఉన్నత న్యాయస్థానంలో అభ్యర్థులు అత్యవసర పిటిషన్​ను దాఖలు చేశారు. తమకన్నా తక్కువ ప్రతిభ ఉన్న వారిని ఎంపిక చేశారని ఆరోపించారు.

టీఎస్​పీఎస్సీ రోజుకో విధంగా వ్యవహరిస్తోందని న్యాయవాది రచనారెడ్డి వాదన వినిపించారు. 4 వారాల్లో వివరణ ఇవ్వాలని ప్రభుత్వానికి, టీఎస్​పీఎస్సీకి హైకోర్టు ఆదేశించింది. నియామక ప్రక్రియ తుది తీర్పునకు లోబడి ఉండాలని మధ్యంతర ఉత్తర్వులు జారీ చేసింది.

ఇదీ చదవండి: రెవెన్యూ ట్రైబ‌్యునళ్లలో కేసులపై హైకోర్టులో విచారణ