ఆంధ్రప్రదేశ్ లోని తిరుమల తిరుపతి దేవస్థానం నిర్వహిస్తోన్న సర్వ శ్రేయా ట్రస్టు ఎస్వీ బాల మందిరానికి శనివారం రూ.కోటి విరాళంగా అందింది. హైదరాబాద్‌కు చెందిన మంతెన భూపతిరాజు, శారద దంపతులు శ్రీవారి ఆలయంలోని రంగ నాయకుల మండపంలో ఈ విరాళాన్ని డీడీ రూపంలో తిరుమల తిరుపతి దేవస్థానం ఛైర్మన్‌ వై.వి.సుబ్బారెడ్డికి అందజేశారు. ఈ కార్యక్రమంలో తితిదే ప్రత్యేక అధికారి ధర్మారెడ్డి పాల్గొన్నారు. భక్తి, శ్రద్ధలతో వెంకన్నస్వామిని కోరుకున్న కోర్కెలు తీరుతాయని ప్రజల విశ్వాసం... అందుకే శ్రీవారికి విరాళం ఇవ్వడంలో ఎవరూ వెనుకాడరు.
వడ్డీ కాసుల వాడికి రూ.కోటి విరాళం