హైదరాబాద్ నగర శివారు రాజేంద్రనగర్ పోలీస్ స్టేషన్ పరిధిలోని హైదర్‌గూడలో విషాదం చోటుచేసుకుంది. పార్కులో ఆడుకుంటూ సిమెంట్ బల్ల మీదపడి ఆరేళ్ల బాలుడు చనిపోయాడు. జనప్రియ అపార్ట్‌మెంట్‌లోని పార్కులో ఈ ఘటన చోటు చేసుకుంది. దీనికి ముఖ్యకారణం అపార్టుమెంట్లో అరకొర సదుపాయాలు ఉండటమేనని బాలుడి తండ్రి చెబుతున్నాడు. తన కొడుకుకు జరిగినట్లు ఇంకెవ్వరికీ జరగకుండా చర్యలు తీసుకోవాలని కోరుతున్నాడు. చిన్న చిన్న పిల్లలు ఉన్న చోట్ల అపార్ట్మెంట్ నిర్వాహకలు జాగ్రత్తగా వ్యవహరించాలని, నాణ్యమైన సదుపాయలు సమకూర్చాలని చెబుతున్నాడు. కేసు దర్యాప్తు పూర్తయితే తప్ప ఏం చెప్పలేమని రాజేంద్ర నగర్ పోలీసులు తెలిపారు. జీహెచ్ఎంసీ అధికారులను పిలిపించి అన్ని అపార్ట్మెంట్లలో తనిఖీలు చేపట్టి సరైన నాణ్యత లేని భవనాలకు నోటీసులిప్పిస్తామని రాజేంద్రనగర్ సీఐ పేర్కొన్నారు.
అరకొరక సదుపాయాలతో ఆరేళ్ల బాలుడి మృతి