వారికి పాత శాఖలే...

గత ప్రభుత్వంలో నిర్వహించిన శాఖలే ఇప్పుడు ఆ ముగ్గురికి అవే శాఖలు వచ్చాయి. అదనంగా మరిన్ని శాఖలను కేటాయించారు.

తెలంగాణ మంత్రివర్గ విస్తరణ పూర్తైంది. మంత్రులకు శాఖలు కేటాయించారు. తలసాని శ్రీనివాస్​ యాదవ్​, ఇంద్రకరణ్​ రెడ్డి, జగదీష్​ రెడ్డికి పాత శాఖలే వచ్చాయి.

2014లో తెరాస అధికారంలోకి వచ్చిన అనంతరం బీఎస్పీ నుంచి వచ్చిన ఇంద్రకరణ్​కు దేవాదాయ, న్యాయశాఖ ఇచ్చారు. గతంలో జోగు రామన్న నిర్వహించిన అటవీ, పర్యావణ శాఖలను ఇప్పుడు అదనంగా కేటాయించారు.

తెదేపా నుంచి తెరాసలో చేరిన తలసాని శ్రీనివాస్​ యాదవ్​ గతంలో పశు సంవర్ధక శాఖ మంత్రిగా బాధ్యతలు నిర్వర్తించారు. ప్రస్తుతం ఆయనకు పాత శాఖలనే ఇచ్చారు.

సూర్యాపేట నుంచి మొదటిసారి ఎమ్మెల్యేగా గెలుపొందిన జగదీష్​ రెడ్డి తొలి మంత్రివర్గంలో విద్యా శాఖ మంత్రిగా పని చేశారు. అనంతరం ఆ శాఖను కడియం శ్రీహరికి కేటాయించి జగదీష్​ రెడ్డికి విద్యుత్​ శాఖ ఇచ్చారు. ఇప్పుడు ఆయనకు మళ్లీ విద్యా శాఖ అప్పగించారు.ఇవీ చదవండి:తలసానికి సన్మానం