నేటి నుంచే ఎగ్జిబిషన్​ పునప్రారంభం

నుమాయిష్​ ఎగ్జిబిషన్​ను నేటి నుంచి పునప్రారంభిస్తామని ఎగ్జిబిషన్​ సొసైటీ కార్యదర్శి రంగారెడ్డి తెలిపారు. కమిటీ నివేదిక ఆధరంగా బాధితులకు పరిహారం చెల్లిస్తామని పేర్కొన్నారు.

నాంపల్లి ఎగ్జిబిషన్ నేటి నుంచి పునప్రారంభం కానుంది. దగ్ధమైన స్టాల్స్ స్థానంలో రెండు రోజుల్లో కొత్తవి నిర్మించి నిర్వాహకులకు అప్పగిస్తామని సొసైటీ కార్యదర్శి రంగారెడ్డి తెలిపారు. బాధితులకు రూ.70 లక్షల ఆర్థిక సహాయం అందించామని, వారికి సొసైటీ అండగా ఉంటుందన్నారు. ప్రమాద ఘటనపై వేసిన కమిటీ రిపోర్ట్ ఆధారంగా పరిహారం చెల్లిస్తామని స్పష్టం చేశారు. ఎగ్జిబిషన్​ను అదనంగా మరో నాలుగు రోజులు పొడిగిస్తామని వెల్లడించారు.