కార్మిక నేత నుంచి హోంమంత్రి దాకా... నాయిని రాజకీయ చరిత్ర

శ్రమ జీవుల కోసం పోరాడిన ఆ గుండె ఆగిపోయింది. కార్మికులకు అన్నీతానై ముందుండి నడిపించిన ఆ కళ్లు శాశ్వతంగా మూతపడ్డాయి. కార్మిక పక్షపాతిగా చరిత్రలో నిలిచిపోయారు. తెలంగాణ ఉద్యమంలో చురుగ్గా పాల్గొన్నారు. రాష్ట్రం సాకారమయ్యే వరకు తన వంతు పాత్ర పోషించారు. రాష్ట్రం సిద్దించాక తెలంగాణ రాష్ట్ర మొదటి హోంమంత్రిగా సేవలందించారు నాయిని నర్సింహారెడ్డి.

• తెలంగాణ ఉద్యమంలో మొదట్నుంచి కీలక పాత్ర పోషించిన నాయిని నర్సింహారెడ్డి
• తొలి, మలి దశ తెలంగాణ ఉద్యమాల్లో చురుకైన పాత్ర పోషించిన నాయిని
• కార్మిక నేత నర్సన్నగా నాయిని నర్సింహారెడ్డి సుపరిచితం
• పలు ప్రముఖ కంపెనీల్లో కార్మిక సంఘం నేతగా ఎన్నికైన నాయిని నర్సింహారెడ్డి
• 1944 మే 12న జన్మించిన నాయిని
• నాయిని నర్సింహారెడ్డి స్వస్థలం- నల్గొండ జిల్లా దేవరకొండ మండలం నేరేడుగొమ్ము
• నాయిని నర్సింహారెడ్డి తల్లిదండ్రులు సుభద్రమ్మ, దేవయ్యరెడ్డి
• 1970లలో హైదరాబాద్​కు మకాం మార్చిన నాయిని నర్సింహారెడ్డి
• వీఎస్​టీ కార్మిక సంఘం నేతగా పలుమార్లు ఎన్నికైన నాయిని
• జనతా పార్టీ నేతగా ఉమ్మడి ఆంధ్రప్రదేశ్ రాష్ట్ర రాజకీయాల్లో ప్రముఖ పాత్ర పోషించిన నాయిని నర్సింహారెడ్డి
• హైదరాబాద్ రాజకీయాలపై తనదైన ముద్ర వేసిన నాయిని
• ముషీరాబాద్ శాసనసభ్యుడిగా మూడుసార్లు గెలిచిన నాయిని నర్సింహారెడ్డి
• ముషీరాబాద్ నుంచి 1978లో టి.అంజయ్యపై గెలుపు
• ముషీరాబాద్ నుంచి 1985, 2004లో ఎమ్మెల్యేగా ఎన్నిక
• 2001లో తెరాసలో చేరిన నాయిని నర్సింహారెడ్డి
• తెలంగాణ ఆవిర్భావం వరకు ప్రతి దశలో కేసీఆర్ వెంట కీలకంగా వ్యవహరించిన నాయిని
• వైఎస్ సర్కారులో 2005 నుంచి 2008 వరకు సాంకేతిక విద్యా శాఖ మంత్రిగా బాధ్యతలు
• తెలంగాణ రాష్ట్ర తొలి హోంమంత్రిగా పనిచేసిన నాయిని నర్సింహారెడ్డి
• హోంమంత్రిగా 2014 నుంచి 2018 వరకు బాధ్యతలు నిర్వహించిన నాయిని
• భార్య నాయిని అహల్యరెడ్డి, కుమారుడు నాయిని దేవేందర్ రెడ్డి, కుమార్తె వి. సమత రెడ్డి