Nara Lokesh Respond on Chandrababu Arrest: తెలుగు ప్రజలకు సేవ చేసేందుకు ప్రాణ త్యాగానికైనా సిద్ధమని చంద్రబాబు స్పష్టం చేశారు. నంద్యాలలో అరెస్టు తర్వాత ఆయన ట్విటర్ వేదికగా జగన్‌ ప్రభుత్వ తీరును ఎండగట్టారు. గత 45 ఏళ్లగా నిస్వార్థంగా తెలుగు ప్రజల కోసం సేవ చేస్తున్నారని.. ప్రజల ప్రయోజనాలను కాపాడేందుకు ప్రాణాలను త్యాగం చేసేందుకు కూడా సిద్ధమని ప్రకటించారు. తెలుగు ప్రజలకు, రాష్ట్రానికి, మాతృభూమికి సేవ చేయకుండా ఈ ప్రపంచంలో తనని ఏ శక్తీ ఆపలేదన్నారు.
AP CID Arrests Chandrababu naidu: చంద్రబాబు అరెస్టు(Chandra Babu Arrest) విషయంలో సీఐడీతో పాటు పోలీసులు అర్ధరాత్రి నుంచి తెల్లవారే వరుకు నంద్యాలలో హైడ్రామా నడిపించారు. స్కిల్‌డెవలప్‌మెంట్‌ కేసులో చంద్రబాబుపై 120B, 166, 167, 418, 420, 465, 468, 471, 409, 201, 109 రెడ్ విత్ 34, 37 I.P.C, 12, 13 (2) రెడ్ విత్ 13 (1) (C)(D) ప్రివన్షన్ ఆఫ్ కరప్షన్ యాక్ట్ సెక్షన్ల కింద కేసు నమోదైనందున.. అరెస్టు చేస్తున్నట్లు నోటీసుల్లో పేర్కొన్నారు. ఉదయం ఐదున్నర గంటలకు వైద్య పరీక్షలు నిర్వహించిన తర్వాత.. నంద్యాల నుంచి రోడ్డు మార్గంలో ఆయన కాన్వాయ్‌లోనే గుంటూరుకు తరలిస్తున్నారు. గుంటూరులోని సీఐడీ ప్రధాన కార్యాలయానికి చంద్రబాబును తీసుకెళ్లనున్నారు.
పిచ్చోడు లండన్ కి... మంచోడు జైలుకా..? : ఉమ్మడి తూర్పు గోదావరి జిల్లా పొదలాడ యువగళం క్యాంప్ సైట్ వద్ద ఉద్రిక్తత చోటు చేసుకుంది. చంద్రబాబు వద్దకు వెళ్లకూడదని లోకేష్ను పోలీసులు అడ్డుకున్నారు. ఎలాంటి నోటీసులు లేకుండా పోలీసుల హైడ్రామా సృష్టించారు. నోటీసులు అడిగితే డీఎస్పీ వస్తున్నారని పోలీసులు చెబుతున్నారు. లోకేష్ వద్దకు మీడియాని రాకుండా పోలీసులు అడ్డుకున్నారు. తన తండ్రిని చూడడానికి తాను వెళ్లకూడదా అని లోకేష్ పోలీసులను నిలదీశారు. తన వెంట నాయకులు ఎవరు రాలేదని.. కుటుంబ సభ్యుడిగా తాను ఒక్కడినే వెళ్తున్నా.. అడ్డుకునే హక్కు మీకు ఎవరు ఇచ్చారని లోకేష్ ఆగ్రహం వ్యక్తం చేశారు. చంద్రబాబు అరెస్ట్కి నిరసనగా క్యాంప్ సైట్ వద్ద తన బస్సు ముందే లోకేష్ బైఠాయించి నిరసన తెలిపారు. పిచ్చోడు లండన్కి.. మంచోడు జైలుకి.. ఇది కదా రాజారెడ్డి రాజ్యాంగమని దుయ్యబట్టారు. జగన్‌ తల కిందులుగా తపస్సు చేసినా.. చంద్రుడిపై అవినీతి మచ్చ వెయ్యడం సాధ్యం కాదని ఎద్దేవా చేశారు.
Chandrababu Arrest in Nandyala: నంద్యాలలో చంద్రబాబు అరెస్ట్.. రోడ్డుమార్గంలో చంద్రబాబు తరలింపు