నీటి కోసం వాగ్వాదం..ఇంటి ఓనర్​పై హత్యాయత్నం..

నీటి సమస్య యజమానిపై హత్యాయత్నానికి దారితీసింది. ట్యాంకర్లు తెప్పించుకుందామని అద్దెదారులను ఇంటి యజమాని కోరగా.. ఒకరు నిరాకరించారు. అద్దెదారును లాక్‌డౌన్‌ పూర్తయ్యాక ఇల్లు ఖాళీ చేయాలి అన్నందుకు.... కోపం పెంచుకుని యజమానిపై హత్యాయత్నానికి పాల్పడ్డాడు.

నీళ్ల కోసం జరిగిన వాగ్వాదం... ఇంటి యజమానిపై హత్యాయత్నానికి దారితీసింది. హైదరాబాద్‌ గోల్కొండ పరిధిలోని కాలనీలో కొన్ని రోజులుగా నీళ్ల కొరత ఏర్పడింది. అందరం కలిసి ట్యాంకర్లు తెప్పించుకుందామని ఇంటి యజమాని అద్దెదారులను కోరాడు. ఆ భవనంలోని ఆరు కుటుంబాలు ఇందుకు ఒప్పుకోగా... ఒక అద్దెదారు నిరాకరించాడు. అభ్యంతరం తెలిపిన కుటుంబాన్ని లాక్‌డౌన్‌ ముగిశాక ఇల్లు ఖాళీ చేయాలని యజమాని చెప్పాడు. ఖాళీ చేయమన్నందుకు యజమానిపై కోపం పెంచుకున్న ఆ అద్దెదారు తన స్నేహితులతో కలిసి ఇంటి యజమాని, అతని కుటుంబసభ్యులపై దాడికి పాల్పడ్డాడు. ఈ ఘటనలో గాయపడ్డవారిని ఆస్పత్రికి తరలించగా.. ఇద్దరు నిందితుల్ని పోలీసులు అదుపులోకి తీసుకున్నారు.

ఇదీ చదవండి:'వలస కార్మికుల తరలింపులో చొరవ తీసుకోండి'