మోదీ ఈరోజు దేశానికి సంబంధించిన వ్యక్తే కాకుండా.. ప్రపంచానికే పెద్ద శక్తిగా ఎదిగారని నిజామాబాద్ ఎంపీ అర్వింద్ కుమార్ అభివర్ణించారు. కేసీఆర్ మూసి ప్రక్షాళన చేసి.. గోదావరికి అనుసంధానం చేస్తాడంటా.. అందులో బోటింగ్ పెడతాదంటా అని ఎద్దేవా చేశారు.
పెద్ద పెద్ద వాళ్లను వంగిపిస్తాం... అని ప్రసంగించే ఒవైసీ బ్రదర్స్ రాజశేఖర్ రెడ్డి దగ్గర వంగి వంగి దండాలు పెట్టిన విషయం మరువద్దని గుర్తు చేశారు. ఒక సారి భాజపా అధికారంలోకి వస్తే మళ్లీ లేవకుండా వంగిపిస్తామని అన్నారు. అంతేగాకుండా హైదరాబాద్ను భాగ్యనగర్గా.. నిజామాబాద్ను ఇందూరుగా మారుస్తామని ప్రకటించారు.