'జీహెచ్​ఎంసీలో గతం కంటే 2 స్థానాలు ఎక్కువ గెలుస్తాం'

జీహెచ్‌ఎంసీ ఎన్నికల్లో గతం కంటే రెండు స్థానాలు ఎక్కువే గెలుస్తామని మంత్రి తలసాని శ్రీనివాస్ యాదవ్ ధీమా వ్యక్తం చేశారు. కంటోన్మెంట్‌ ఎన్నికల్లోనూ తెరాసదే హవా ఉంటుందని చెప్పారు.

షెడ్యూల్‌ ప్రకారమే జీహెచ్‌ఎంసీ ఎన్నికలు జరిగే అవకాశం ఉందని మంత్రి తలసాని శ్రీనివాస్​ యాదవ్​ తెలిపారు. అసెంబ్లీ లాబీలో మీడియా ప్రతినిధులతో మంత్రి ఇష్టాగోష్ఠిగా మాట్లాడారు. జీహెచ్ఎంసీ విభజన విషయమై ఎలాంటి ఆలోచన, చర్చ లేదన్నారు. గ్రేటర్​లో గతం కంటే రెండు స్థానాలు ఎక్కువగానే గెలుస్తామని తలసాని ధీమా వ్యక్తం చేశారు. కంటోన్మెంట్‌ ఎన్నికల్లోనూ తెరాసదే హవా ఉంటుందని చెప్పారు. వాతావరణ పరిస్థితులకు అనుగుణంగా నడుచుకోవాలన్నారు. చంద్రబాబులా ప్రతిదానికి టెన్షన్ పడే వాతావరణ ఇక్కడ ఉండదని పేర్కొన్నారు.

ఇవీ చూడండి:'మీరు చెప్పుడేంది... మేమే చెప్తున్నం'