ముంపు బాధితులకు ప్రభుత్వం అండగా ఉంటుంది: తలసాని

ముంపునకు గురైన బాధిత కుటుంబాలకు ప్రభుత్వం మంజూరు చేసిన ఆర్థిక సాయాన్ని పశు సంవర్ధక శాఖ మంత్రి తలసాని శ్రీనివాస్ యాదవ్ బాధితులకు అందజేశారు. ప్రతి బాధిత కుటుంబాన్ని ప్రభుత్వం ఆదుకుంటుందని మంత్రి తెలిపారు.

హైదరాబాద్​ అమీర్​పేటలో ముంపు బాధిత కుటుంబాలకు పశు సంవర్ధక శాఖ మంత్రి తలసాని శ్రీనివాస్ యాదవ్ ఆర్ధిక సాయం అందించారు. వరదలతో నష్టపోయిన ప్రతి ఒక్కరికి చేయూతను అందించాలనే సంకల్పంతో తెలంగాణ ప్రభుత్వం కృషి చేస్తుందని చెప్పారు.

నలభై ఏళ్ల చరిత్రలో హైదరాబాద్​లో కనివిని ఎరుగని వరద వచ్చిందన్నారు. కేంద్ర ప్రభుత్వం వరద సహాయక చర్యలను ఏ మాత్రం పట్టించుకోక పోవడం దురదృష్టకరమన్నారు. ప్రతిపక్షాలు ఇప్పటికైనా విమర్శలు మానుకొని వరద బాధిత కుటుంబాలను ఆదుకునేందుకు ముందుకు రావాల్సిన అవసరం ఉందన్నారు.

ఇదీ చదవండి :తమిళనాడు సీఎం పళనిస్వామికి కేసీఆర్ ఫోన్