నేడు కంప్యాక్టర్​ వాహనాలను ప్రారంభించనున్న మంత్రి కేటీఆర్​

భవన నిర్మాణ వ్యర్థాలను తరలించేందుకు హైదరాబాద్​లో రూపొందించిన 50 కంప్యాక్టర్​ వాహనాలను గురువారం పురపాలక శాఖ మంత్రి కేటీఆర్​ ప్రారంభించనున్నారు. అనంతరం సంజీవయ్య పార్కు వద్ద ఆధునీకరించిన చెత్త తరలింపు కేంద్రాన్ని కూడా ప్రారంభించనున్నారు.

హైదరాబాద్ నగరంలో భవన నిర్మాణ వ్యర్థాలను తరలించేందుకు ప్రత్యేకంగా రూపొందించిన 50 కంప్యాక్టర్ వాహనాలను పురపాలక శాఖ మంత్రి కేటీఆర్ గురువారం ప్రారంభించనున్నారు. 20 క్యూబిక్ మీటర్ల సామర్థ్యం గల ఈ వాహనాల ద్వారా 15 మెట్రిక్ టన్నుల నిర్మాణ వ్యర్థాలను తరలించనున్నారు.

నెక్లెస్ రోడ్ ఐమ్యాక్స్ సమీపంలోని మైదానంలో ఈ వాహనాలను మంత్రులు కేటీఆర్, మహమూద్​ అలీ, తలసాని శ్రీనివాస్ యాదవ్​లు కలిసి ప్రారంభిస్తారు. అనంతరం సంజీవయ్య పార్కు వద్ద ఆధునీకరించిన చెత్త తరలింపు కేంద్రాన్ని కూడా మంత్రి కేటీఆర్ ప్రారంభించనున్నారు.

ఇవీ చూడండి: అధునాతన కమాండ్ కంట్రోల్.. నేరగాళ్ల గుండెల్లో గుబేల్​