'వన్​టైం సెటిల్​మెంట్​ను అందరూ వినియోగించుకోండి'

వన్​టైం సెటిల్​మెంట్​ను అందరూ వినియోగించుకోవాలని మంత్రి కేటీఆర్ ప్రజలకు సూచించారు. పెండింగ్ ఉన్న నల్లా బిల్లులకు వడ్డీ మాఫీ చేసినట్లు వెల్లడించారు. సెప్టెంబర్​ 15వ తేదీ వరకు ఈ పథకం అమలులో ఉంటుంది కేటీఆర్ తెలిపారు.

హైద‌రాబాద్ న‌గ‌ర ప్ర‌జ‌ల కోసం జ‌ల‌మండ‌లి అమ‌లు చేస్తున్న వ‌న్ టైం సెటిల్​మెంట్​ను వినియోగించుకోవాల‌ని పుర‌పాల‌క శాఖ మంత్రి కేటీఆర్ సూచించారు. జలమండలికి స‌క్ర‌మంగా బిల్లులు చెల్లించి ప్రభుత్వానికి సహకరించాలని కోరారు.

జ‌ల‌మండ‌లి వన్​ టైం సెటిల్​మెంట్ పథకం కరపత్రాలు, బ్యానర్లు, పోస్టర్లను మంత్రి కేటీఆర్ ప్ర‌గతి భవన్​లో ఆవిష్కరించారు. జలమండలి బిల్లు బకాయిదారుల‌కు సువర్ణావకాశం కల్పించిందని.. పెండింగ్​లో ఉన్న నల్లా బిల్లుల వ‌సూళ్ల కోసం వ‌డ్డీ మాఫీ చేసిన‌ట్లు వెల్ల‌డించారు. అసలు బిల్లు మాత్ర‌మే చెల్లించాలని తెలిపారు. సెప్టెంబర్ 15వ తేదీ వరకు 45 రోజుల పాటు ఈ ప‌థ‌కం అమలులో ఉంటుందని మంత్రి పేర్కొన్నారు.

ఇదీ చూడండి:అమర జవాను కుటుంబానికి హైకోర్టు జోక్యంతో న్యాయం