కృత్రిమ మేధలో పరిశోధనకు ఐఎస్బీతో మైక్రోసాఫ్ట్
కృత్రిమ మేధలో పరిశోధనకు సంబంధించి మేనేజ్మెంట్ స్థాయి ఉద్యోగులకు శిక్షణనిచ్చేందుకు ఇండియన్ స్కూల్ ఆఫ్ బిజినెస్... సాఫ్ట్వేర్ దిగ్గజం మైక్రోసాఫ్ట్తో జతకట్టింది. ఈ భాగస్వామ్యంతో ఆర్టిఫీషియల్ ఇంటిలిజెన్స్ ల్యాబ్లను ఏర్పాటు చేయనున్నారు. ప్రజా విధానాలు, వ్యాపారానికి సంబంధించిన విషయాల్లో మెషీన్ లెర్నింగ్ ఉపయోగించడంపై ఈ సంస్థలు కలిసి పరిశోధన చేయనున్నాయి. దీనికి అనుగుణంగా 'లీడింగ్‌ బిజినెస్ ట్రాన్స్ఫర్మేషన్‌ ఇన్‌ ద ఏజ్‌ ఆఫ్ ఏఐ' పేరిట 2019 అక్టోబర్‌లో ఒక కోర్సును నిర్వహించనున్నారు. ఇది ప్రస్తుతం ఉన్నత స్థాయి ఉద్యోగులకు మాత్రమేనని... రాబోయే కాలంలో మధ్యస్థాయి ఉద్యోగులకు కూడా దీనిని నిర్వహిస్తామని ఆయా సంస్థల ప్రతినిధులు తెలిపారు.