సామూహిక వివాహా వేడుకలో పాల్గొన్న మంత్రి కొప్పుల పెద్దపల్లి జిల్లా గోదావరిఖని శ్రీ కోదండ రామాలయంలో సామూహిక వివాహాలు జరిగాయి. ఆసరా ఫౌండేషన్ ఆధ్వర్యంలో నిరుపేద కుటుంబాలకు చెందిన 21 జంటలకు వేదపండితుల మంత్రోచ్ఛారణలతో వివాహాలు ఘనంగా నిర్వహించారు. ఫౌండేషన్ వ్యవస్థాపకులు పెంట రాజేశ్ దంపతులు కాళ్లు కడిగి కన్యాదానం చేసి వివాహాలు జరిపించారు. ఈ వేడుకకు ముఖ్యఅతిథులుగా రాష్ట్ర సంక్షేమ శాఖ మంత్రి కొప్పుల ఈశ్వర్తో పాటు రామగుండం ఎమ్మెల్యే కోరుకంటి చందర్ హాజరయ్యారు. మంత్రి నిరుపేద జంటలకు ముత్యాల తలంబ్రాలను అందజేశారు. పెళ్లి వేడుకలకు వచ్చిన వారందరికి అన్నదాన కార్యక్రమం నిర్వహించారు.
ఇలాంటి సామాజిక సేవా కార్యక్రమాలు నిర్వహించడం అభినందనీయమని ఎమ్మెల్యే కోరుకంటి చందర్ ప్రశంసించారు. కొప్పుల ఈశ్వర్ నూతన వధూవరులను అక్షింతలు వేసి ఆశీర్వదించారు.
ఇవీ చూడండి:'ఫిర్ ఏక్ బార్ మోదీ సర్కార్'
