బంగ్లాదేశ్ దాని పరిసర ప్రాంతాలలో ఏర్పడిన ఉపరితల ఆవర్తన ప్రభావం వలన ఉత్తర బంగాళాఖాతం దాని పరిసర ప్రాంతాల్లో సోమవారం అల్పపీడనం ఏర్పడింది. దీనికి అనుబంధంగా 7.6 కి.మీ ఎత్తు వరకు ఉపరితల ఆవర్తనం ఏర్పడింది. ఇది ఎత్తుకు వెళ్లేకొద్దీ... నైరుతి దిశకు వంపు తిరిగి ఉంది. రాగల రెండు రోజుల్లో ఇది మరింత తీవ్రంగా మారే అవకాశం ఉంది.
ఉత్తర-దక్షిణ ద్రోణి రాయలసీమ నుంచి.. దక్షిణ కోస్తా తమిళనాడు వరకు ఇంటీరియర్ తమిళనాడు మీదుగా 1.5 కి.మీ ఎత్తు వరకు ఏర్పడింది.