తెలంగాణ విజయగర్జన సభ(Telangana Vijaya Garjana)ను దిగ్విజయంగా నిర్వహించేందుకు తెరాస శ్రేణులందరూ నడుం బిగించాలని ఆ పార్టీ కార్యనిర్వాహక అధ్యక్షుడు కేటీఆర్ విజ్ఞప్తి చేశారు. పిలుపునిచ్చారు. విజయగర్జన సన్నాహక సమావేశాల్లో భాగంగా తెలంగాణ భవన్లో కేటీఆర్ ఇవాళ కూడా నియోజకవర్గాల వారీగా ముఖ్య నేతలతో చర్చించారు.
నర్సాపూర్, మెదక్, పటాన్ చెరు, ఆందోల్, నారాయణ ఖేడ్, జహీరాబాద్, జగిత్యాల, మంథని, వేములవాడ, మానకొండూర్, భువనగిరి, ఆలేరు, కోదాడ, మునుగోడు, నాగార్జున సాగర్, మిర్యాలగూడ, నల్గొండ, నకిరేకల్ నియోజకవర్గ నేతలతో కేటీఆర్ సమావేశమయ్యారు. నియోజకవర్గంలోని తెరాస ప్రజా ప్రతినిధులు, ముఖ్యనేతలందరూ సమన్వయంతో పనిచేయాలన్నారు. మంత్రులు పువ్వాడ అజయ్ కుమార్, జగదీశ్ రెడ్డి, పార్టీ సెక్రటరీ జనరల్ కే కేశవరావు, ఆయా నియోజకవర్గాలకు చెందిన ఎంపీలు, ఎమ్మెల్యేలు, ఎమ్మెల్సీలు, పార్టీ సీనియర్ నాయకులు, పార్టీ ప్రజా ప్రతినిధులు పాల్గొన్నారు.
నిన్న..
విజయగర్జన సభ సన్నాహకాల్లో భాగంగా నిన్న కూడా తెలంగాణ భవన్లో మేడ్చల్, మల్కాజిగిరి, కుత్బుల్లాపూర్, ఉప్పల్, కూకట్పల్లి, శేరిలింగంపల్లి, ఇబ్రహీంపట్నం, ఎల్బీనగర్, మహేశ్వరం, రాజేంద్రనగర్, అశ్వరావు పేట, భద్రాచలం, పినపాక, ఇల్లెందు, వైరా, కొత్తగూడెం, ఖమ్మం, పాలేరు, మధిర నియోజకవర్గాల నేతలతో కేటీఆర్ భేటీ అయ్యారు.