ఓ వైపు వర్షాలు లేక నగరవాసులు నీటి కోసం అల్లాడుతుంటే.. అధికారుల నిర్లక్ష్యంతో అక్కడక్కడా భారీగా నీటివృథా జరుగుతోంది. సాక్ష్తాత్తూ రాష్ట్ర ప్రథమపౌరుడు నివసించే రాజ్భవన్ రోడ్లోని.. లేక్‌వ్యూ అతిథిగృహం వద్దే ఈ వృథా కనిపించింది. పైపులైన్లో లీకేజీ ఏర్పడి ఉదయం నుంచి నీళ్లు భారీగా నేలపాలయ్యాయి. జీహెచ్ఎంసీ సిబ్బంది గుర్తించినా... లీకేజీని అదుపు చేసేందుకు ఎలాంటి చర్యలు తీసుకోలేదు. నిత్యం రద్దీగా ఉండే ఈ రహదారిపై ప్రమాదం జరగకుండా బారీకేడ్లు అడ్డుపెట్టారు. నీళ్లు వెళ్లిపోయేందుకు మ్యాన్‌హోల్‌ తెరిచారు తప్ప నీటి వృథాను అరికట్టే ప్రయత్నం చేయకపోవడం విమర్శలకు తావిస్తోంది.
రాజ్భవన్ రోడ్డు కృష్ణా పైపులైన్లో లీకేజీ