ఓపెన్​టెన్త్​ పరీక్షకు ఆలస్యమైనవారికి అనుమతి నిరాకరణ

కాచిగూడ ప్రభుత్వ పాఠశాలలో ఓపెన్​ టెన్త్​ పరీక్షలకు ఐదు నిమిషాలు ఆలస్యంగా వచ్చిన వారిని అనుమతించకపోవడంపై విద్యార్థులు అసంతృప్తి వ్యక్తం చేశారు. ఎగ్జామినర్​ తీరుపై నిరసన తెలిపారు.

హైదరాబాద్​ అంబర్​పేట కాచిగూడలోని ప్రభుత్వ జూనియర్​ కళాశాలలో ఓపెన్​ టెన్త్​ పరీక్షలకు ఆలస్యంగా వచ్చిన వారిని అనుమతించకపోవడంపై విద్యార్థులు అసంతృప్తి వ్యక్తం చేశారు. రెగ్యులర్​ వారితో పాటు తమకు కూడా ఈ నిబంధన వర్తింపచేయడం సమంజసం కాదని వాపోయారు. దీని వల్ల తాము తీవ్రంగా నష్టపోవాల్సి వస్తుందని ఆవేదన వ్యక్తం చేశారు. హాల్​టిక్కెట్​పై కూడా ఎలాంటి నిబంధనలు లేవని తెలిపారు.

తమకు అధికారులు సూచించిన నిబంధనల మేరకే ఆలస్యమైన వారిని పరీక్ష కేంద్రంలోనికి అనుమతించలేదని ఎగ్జామినర్​ సుధాకర్​ తెలిపారు. విద్యార్థులపై ఎలాంటి వివక్ష లేదన్నారు. హాల్​ టికెట్​లో కూడా 5 నిమిషాల నిబంధన ఉందని పేర్కొన్నారు. ఎన్నో వ్యయ ప్రయాసల కోర్చి పరీక్ష రాయడానికి వచ్చామని.. అయినా ఆలస్యమైందని ఎగ్జామినర్​ అనుమతించకపోవడం దారుణమని విద్యార్థులు ఆవేదన చెందారు.

ఇదీ చదవండి : 'పేపర్ల వాల్యూయేషన్​లో ఎలాంటి తప్పు లేదు'