లాల్ దర్వాజా మహంకాళి ఆలయంలో అమ్మవారికి జూన్ 25 నుంచి జులై 26వ తేదీ వరకు బోనాల సమర్పణ ఉంటుందని మహంకాళి దేవాలయ కమిటీ తెలిపింది. వర్షాకాలంలో వచ్చే అంటువ్యాధుల నుంచి రక్షించాలని ప్రతి సంవత్సరం ఆషాఢమాసంలో... అమ్మవారికి బోనం సమర్పించడం ఆనవాయితిగా వస్తుంది. ఆలయం వద్ద థర్మల్ స్క్రీనింగ్ పరీక్షలు నిర్వహిచడం, మాస్కులు, భౌతిక దూరం ఖచ్చితంగా పాటించేలా నిబంధనలు అమలుచేస్తామని నిర్వాహకులు తెలిపారు.
ప్రతి రోజు 50 మంది మహిళలు చొప్పున అమ్మవారికి బోనాలు సమర్పించేలా ఏర్పాట్లు చేశాం. జులై 19, 20వ తేదీల్లో మాత్రమే ప్రభుత్వ నిబంధనల మేరకు అమ్మవారికి పట్టువస్త్రాలు, బోనాలు ఆలయ పూజారి మాత్రమే సమర్పిస్తారు. ఆ రెండు రోజుల్లో భక్తులను ఎట్టి పరిస్థితుల్లో అనుమతించబోం. - ఆలయ కమిటీ.