సమాజ సేవ ప్రతి ఒక్కరి బాధ్యత: కిషన్ రెడ్డి

వాసవి సేవా కేంద్రం వ్యవస్థాపక అధ్యక్షులు కొత్తూరు సీతయ్య గుప్త 108వ జయంతి ఉత్సవాలకు కేంద్ర హోంశాఖ సహాయమంత్రి కిషన్ రెడ్డి హాజరయ్యారు. ఈ సందర్భంగా నిరుపేద వైశ్యులకు వృద్ధాప్యభృతి, ఉచిత బియ్యం, వికలాంగులకు మూడు చక్రాల సైకిళ్లు, మహిళలకు కుట్టు మిషన్లు, గ్రైండర్లు అందజేశారు.

సామాజిక సేవ చేయడంలో ఆర్య వైశ్యులు ఎప్పుడు ముందుంటారని కేంద్ర హోంశాఖ సహాయమంత్రి కిషన్ రెడ్డి పేర్కొన్నారు. వాసవి సేవా కేంద్రం వ్యవస్థాపక అధ్యక్షులు, మాజీ ఎమ్మెల్యే కొత్తూరు సీతయ్య గుప్త 108వ జయంతి ఉత్సవాలు లక్డీకాఫుల్​లో ఘనంగా జరిగాయి. ఈ కార్యక్రమానికి మంత్రితో పాటు, ఎమ్మెల్సీ రామచందర్ రావు, మాజీ ఎమ్మెల్యే చింతల రామచందర్ రెడ్డిలు పాల్గొన్నారు.

ఆర్థికంగా వెనుకబడిన అగ్రవర్ణ పేదలకు 10 శాతం రిజర్వేషన్లు కేంద్రం ప్రవేశపెట్టిందని అయితే అన్ని రాష్ట్రాల్లో అమలవుతున్న ఈ రిజర్వేషన్లు తెలంగాణలో అమలు కాకపోవడం దురదృష్టకరమని అన్నారు. ప్రతి ఒక్కరూ తాము సంపాదిస్తున్న దాంట్లో కొంత భాగాన్ని సమజాసేవ కోసం ఉపయోగించాలని ఆయన విజ్ఞప్తి చేశారు.

ఇవీచూడండి: శంషాబాద్​ విమానాశ్రయంలో 9.2కిలోల బంగారం పట్టివేత