డెంగీని ఆరోగ్యశ్రీలో చేర్చాలి: జగ్గారెడ్డి

డెంగీ ఇప్పుడు తెలుగు రాష్ట్రాలను వణికిస్తున్న వ్యాధి. ఈ జ్వరం కుటుంబంలో ఇద్దరికో.. ముగ్గురికో వచ్చిందంటే అప్పులు చేయాల్సిన పరిస్థితి ఏర్పడింది. ఈ విషయాన్ని ప్రభుత్వం దృష్టిలో ఉంచుకొని దీనిని ఆరోగ్యశ్రీలో చేర్చాలని సంగారెడ్డి ఎమ్మెల్యే జగ్గారెడ్డి డిమాండ్ చేశారు.

డెంగీ, క్యాన్సర్‌ వ్యాధుల నుంచి ప్రజలను ఆదుకోవాలని ముఖ్యమంత్రి కేసీఆర్‌, చిన్నజీయర్‌ స్వామిలకు లేఖలు రాయనున్నట్లు సంగారెడ్డి ఎమ్మెల్యే జగ్గారెడ్డి పేర్కొన్నారు. రాష్ట్రంలో ఈ రెండు వ్యాధులు ప్రజల ప్రాణాలతో ఆడుకుంటున్నాయని ఆందోళన వ్యక్తం చేశారు. డెంగీ రోగం వస్తే.... తక్కువలో తక్కువ 60వేలు నుంచి లక్ష వరకు ఖర్చు అవుతోందని తెలియజేశారు. డెంగీని ఆరోగ్యశ్రీలో చేర్చాలని ప్రభుత్వాన్ని డిమాండ్ చేశారు.

అదే విధంగా క్యాన్సర్‌ వస్తే లక్ష నుంచి రూ.20 లక్షల వరకు ఖర్చు వస్తోందని పేద, మధ్య తరగతి ప్రజలు భరించలేకపోతున్నారని వెల్లడించారు. ఈ పరిస్థితులను దృష్టిలో ఉంచుకుని ప్రభుత్వం, చిన్న జీయర్‌ స్వామి స్పందించాలని ఆయన విజ్ఞప్తి చేశారు.

ఇదీ చూడండి: మరింత అందంగా భాగ్యనగరం..