ఇంటర్మీడియట్ అడ్వాన్స్డ్ సప్లిమెంటరీ పరీక్ష దరఖాస్తు గడువును మరో రెండు రోజులు బోర్డు పొడిగించింది. పరీక్షకు దరఖాస్తు చేసుకునేందుకు రేపటితో గడువు ముగియనుండగా ఈనెల 29 వరకు అవకాశం కల్పిస్తున్నట్లు ఇంటర్ బోర్డు కార్యదర్శి అశోక్ తెలిపారు. ఫెయిలైన విద్యార్థులు పునర్మూల్యాంకన ఫలితాల కోసం ఎదురు చూడకుండా సప్లిమెంటరీకి హాజరు కావాలని సూచించారు. రీవెరిఫికేషన్, రీకౌంటింగ్ దరఖాస్తు తేదీల్లో ఎలాంటి మార్పు లేదని బోర్డు స్పష్టం చేశారు. ఫెయిలైన సబ్జెక్టులకు మాత్రమే ఉచితంగా రీ వెరిఫికేషన్ ఉంటుందని తెలిపారు.
ఇంటర్ సప్లిమెంటరీ ఫీజు గడువు పెంపు