జీఎస్టీ: తెలంగాణలో తగ్గింది... ఏపీలో పెరిగింది

నవంబర్‌ నెలలో ఏపీలో జీఎస్టీ వసూళ్లు పెరిగాయి. 2019 నవంబర్‌తో పోలిస్తే ఈ సారి జీఎస్టీ వసూళ్లు ఏపీలో 12శాతం పెరిగాయి. గతేడాది నవంబర్‌లో రూ.2,230కోట్ల ఆదాయం రాగా... ఈసారి 2, 507 కోట్లకు చేరింది. ఇదే సమయంలో రాష్ట్రంలో జీఎస్టీ వసూళ్లు తగ్గాయి.

నవంబర్‌ నెలలో ఆంధ్రప్రదేశ్‌ జీఎస్టీ వసూళ్లు పెరగ్గా, రాష్ట్రంలో తగ్గాయి. కేంద్ర ఆర్థికశాఖ మంగళవారం విడుదల చేసిన లెక్కల ప్రకారం 2019 నవంబర్‌తో పోలిస్తే ఈసారి ఏపీ వసూళ్లు 12% పెరిగాయి. గత ఏడాది ఇదే నెలలో ఏపీకి రూ.2,230 కోట్ల ఆదాయం రాగా, ఈసారి అది రూ.2,507 కోట్లకు చేరింది. ఇదే సమయంలో రాష్ట్రంలో వసూళ్లు రూ.3,349 కోట్ల నుంచి రూ.3,175 కోట్లకు (-5%) తగ్గాయి. కేంద్ర ప్రభుత్వానికి వచ్చే జీఎస్టీ వసూళ్లు కూడా గత నవంబర్‌ కంటే ఈసారి 1.42% వృద్ధి చెందాయి.

గత నవంబరులో రూ.1.03 లక్షల కోట్లు రాగా.. ఇప్పుడు రూ.1.05 లక్షల కోట్లు వచ్చాయి. కేంద్ర ఖజానాకు గత ఏడాది ఏప్రిల్‌-నవంబర్‌ మధ్యకాలంలో రూ.8,05,164 కోట్లు రాగా, ఈసారి ఇప్పటివరకు వసూలైన మొత్తం రూ.6,64,709 కోట్లకు చేరింది. గత ఏడాదికంటే ఇది 17.44%మేర తక్కువ.

ఇదీ చదవండి:'ఇంకా ఏడు రోజులే' అని నిహారిక పోస్ట్.. పెళ్లి కార్డ్ వైరల్