మరోసారి భారీ వర్షసూచన.. లోతట్టు ప్రాంతాల్లో ముందస్తు చర్యలు

భాగ్యనగరంలో సోమవారం మరోసారి భారీ వర్షం కురిసే అవకాశముందని వాతావరణ శాఖ ప్రకటించగా జీహెచ్​ఎంసీ అధికారులు అప్రమత్తమయ్యారు. ఇటీవలి పరిస్థితులు పునరావృతం కాకుండా ముందస్తుగా లోతట్టు ప్రాంతాల్లోని ప్రజలను సురక్షిత స్థలాలకు తరలిస్తున్నారు.

హైదరాబాద్​లో సోమవారం మరోసారి భారీ వర్షం కురిసే అవకాశముందని వాతావరణ శాఖ హెచ్చరించింది. ఈ మేరకు జీహెచ్​ఎంసీ అన్ని విభాగాలను అప్రమత్తం చేసింది. ఇప్పటికే వందల కాలనీలు నీటిలో ఉండగా, సోమవారం మరోసారి భారీ వర్షం పడితే పరిస్థితి ఏమిటని ఆందోళన వ్యక్తమవుతోంది. ఈ నేపథ్యంలో లోతట్టు ప్రాంతాల వారిని సురక్షిత స్థలాలకు తరలించేందుకు అధికారులు సన్నద్ధమయ్యారు.

జంటనగరాల్లోని అన్ని ఎమ్మెల్యేలు, అధికారులు, ఇతర ప్రజాప్రతినిధులను జీహెచ్​ఎంసీ అప్రమత్తం చేసింది. పోలీసుల సాయంతోనైనా లోతట్టు ప్రాంతాల్లో ప్రజలను తరలించాలని స్పష్టం చేశారు. ఓ వైపు సహాయక చర్యలు చేస్తూనే.. మరోవైపు పునరావాసం కల్పించేందుకు ఏర్పాట్లు చేస్తున్నారు. ఇటీవలి పరిస్థితులు పునరావృతం కాకుండా అన్ని చర్యలు తీసుకోవాలని అధికారులను ఆదేశించింది.

ఇదీ చదవండిఃవర్షాలు తగ్గినా.. కష్టాలు తీరడం లేదు