కొవిడ్-19 వైరస్ కట్టడిలో భాగంగా భాగ్యనగర పోలీసులు, ట్రాఫిక్ విభాగం ఆధ్వర్యంలో వినూత్న ప్రచారం చేపట్టారు. అందులో భాగంగా కరోనా వైరస్ ఆకృతిలో రూపొందించిన శిరస్త్రాణాలను ధరించి వైరస్ వ్యాప్తిపై అవగాహన కల్పించారు.
కొవిడ్-19 తీవ్రతపై పోలీసుల వినూత్న ప్రచారం - హైదరాబాద్ తాజా వార్తలు
కరోనా వైరస్ నియంత్రణపై ప్రజలకు మరింత అవగాహన కల్పించేందుకు నగర ట్రాఫిక్ పోలీసులు వినూత్న రీతిలో ముమ్మర ప్రచారం చేస్తున్నారు. ట్రాఫిక్ సిగ్నల్స్ వద్ద తలకు వైరస్ ఊహాత్మాక మాస్క్లు ధరించి కరోనా ఎంత భయంకరంగా మానవాళికి చేటుచేస్తుందో వివరిస్తున్నారు.
కొవిడ్-19 తీవ్రతపై పోలీసుల వినూత్న ప్రచారం
ప్రభుత్వ సూచనల మేరకు ప్రజలంతా ఇళ్లల్లోనే ఉండాలని, అనవసరంగా వాహనాలతో ఎవరూ రహదారులపైకి రావొద్దని హెచ్చరించారు. అసెంబ్లీ కూడలి వద్ద ట్రాఫిక్ పోలీసులు చేపట్టిన కరోనా వైరస్ అవగాహన కార్యక్రమం అటువైపుగా వచ్చే వాహనదారులను ఆలోచింపజేస్తోంది.
కొవిడ్-19 తీవ్రతపై పోలీసుల వినూత్న ప్రచారం
ఇదీ చదవండి:'మీ వల్లే కరోనా ప్రభావిత ప్రాంతాలు పెరిగాయి'