గుండెపోటుతో ఓ వ్యక్తి.. మానవత్వం చాటుకున్న పోలీసులు

లాక్​డౌన్​ నేపథ్యంలో గుండెపోటుతో బాధపడుతున్న ఓ వ్యక్తిని తమ వాహనంలో ఆసుపత్రికి తరలించి బేగంపేట పోలీసులు మానవత్వాన్ని చాటుకున్నారు. స్థానికుల చేసిన డయల్​ 100కు స్పందించి వెంటనే సాయం అందించారు.

కరోనా వైరస్ వ్యాప్తి నేపథ్యంలో లాక్​డౌన్ కారణంగా రాష్ట్రంలో రవాణా స్తంభించిపోయింది. దీనితో హైదరాబాద్​ బేగంపేటలో ఉంటున్న జయరాజ్​ అనే వ్యక్తికి హఠాత్తుగా గుండెపోటు వచ్చింది. అతన్ని ఆసుపత్రికి తరలించేందుకు అంబులెన్స్​కి ఫోన్ చేసినప్పటికీ ఆలస్యం అవుతుండడం వల్ల బాధితుడి స్నేహితుడు డయల్​ 100కి కాల్​ చేశాడు. దీనితో పక్కనే ఉన్న బేగంపేట పోలీసులు వెంటనే స్పందించారు. అతన్ని పోలీసు వాహనంలోనే సురక్షితంగా కిమ్స్​ ఆసుపత్రికి తరలించి మానవత్వాన్ని చాటుకున్నారు.

ఇదీ చూడండి:ఎలాంటి రెడ్‌ జోన్లు లేవు.. వదంతులు నమ్మొద్దు: ఈటల