కాంగ్రెస్ నేత కూన శ్రీశైలం గౌడ్ హౌస్ అరెస్ట్

రాష్ట్రంలో విపక్ష నేతల దిగ్బంధం కొనసాగుతోంది. ఇంటర్ బోర్టుకు ముట్టడికి పిలుపునిచ్చిన నేపథ్యంలో పోలీసులు ఎక్కడి వారికి అక్కడే అదుపులోకి తీసుకుంటున్నారు.

ఇంటర్ పరీక్షల నిర్వహణలో అవకతవకలపై విచారణకు డిమాండ్ చేస్తూ.. విపక్షాలు, విద్యార్థి సంఘాలు కదం తొక్కాయి. బోర్డు ముట్టడిని అడ్డుకునేందుకు పోలీసులు అక్కడికక్కడే నేతలను అరెస్ట్ చేస్తున్నారు. హైదరాబాద్ షాపూర్ నగర్​లో ఉంటున్న మేడ్చల్ జిల్లా డీసీసీ అధ్యక్షులు కూన శ్రీశైలం గౌడ్​ ఇంటికి ఉదయమే వచ్చిన పోలీసులు.. ఆయనను గృహనిర్బంధం చేశారు. బయటకు రాకుండా ఇంటి బయట భారీగా పోలీసులను మోహరించారు.