చెరువులను తలపిస్తున్న కాలనీలు... నీటిలోనే ప్రజలు

రాత్రి కురిసిన వర్షాలకు నగరంలోని పలు కాలనీలు చెరువులను తలపిస్తున్నాయి. రహదారిపై భారీ స్థాయిలో నీరు ఉండడంతో వాహనదారులు తీవ్ర ఇబ్బందులకు గురవుతున్నారు. దిల్​షుఖ్​నగర్​లో నీరు అధికంగా ఉండడంతో ట్రాఫిక్​ జాం ఏర్పడింది.

దిల్​షుఖ్​నగర్​లో భారీగా ట్రాఫిక్​ జాం ఏర్పడింది. కొత్తపేట నుంచి కోఠికి వెళ్లే రహదారిపై నీరు అధికంగా చేరడంతో వాహనదారులు తీవ్ర ఇబ్బందులకు గురవుతున్నారు. ఐస్ సాధాన్ డివిజన్ సింగరేణి కాలనీ... రాత్రి కురిసిన వర్షానికి నిండా మునిగిపోయి... చెరువులను తలపిస్తోంది.

కొన్ని సంవత్సరాల నుంచి ఈ సమస్యను ఎదుర్కొంటున్నామని స్థానికులు పేర్కొన్నారు. తమ సమస్యను పట్టించుకుని... త్వరలోనే పరిష్కరించాలని కోరుతున్నారు. అధికారులు సహాయక చర్యలు చేపట్టి... ట్రాక్టర్ల ద్వారా ఆహారం, నీళ్లు వంటి సదుపాయాలు అందిస్తున్నారు.

ఇదీ చూడండి:హైదరాబాద్​లో వర్షం... వరద బాధితుల పరిస్థితి దయనీయం