సాయుధ బలగాలకు చాలా రుణపడి ఉన్నాం: గవర్నర్​

దేశ రక్షణ కోసం సాయుధ బలగాలు చేసిన త్యాగాలు మరువలేనివని గవర్నర్​ తమిళిసై సౌందరరాజన్​ పేర్కొన్నారు. వారి కుటుంబాలకు అండగా ఉండటం మనందరి బాధ్యతని తెలిపారు. సాయుధ బలగాల పతాక దినోత్సవం సందర్భంగా తెలంగాణ సైనిక్ వెల్ఫేర్​ బృందంతో ఆమె ప్రత్యేకంగా సమావేశమయ్యారు.

సాయుధ బలగాలకు మనమంతా చాలా రుణపడి ఉన్నామని గవర్నర్ తమిళిసై సౌందరరాజన్​ తెలిపారు. సాయుధ బలగాల పతాక దినోత్సవం సందర్భంగా తెలంగాణ సైనిక్ వెల్ఫేర్​ బృందంతో ఆమె సమావేశమయ్యారు. దేశం కోసం సాయుధ బలగాలు చేసిన త్యాగాలు మరువలేవనివని పేర్కొన్న గవర్నర్.. వారి కుటుంబాలకు అండగా ఉండటం మన బాధ్యత అని వెల్లడించారు.

దేశ రక్షణలో ప్రాణాలు కోల్పోయిన వారి కుటుంబాల కోసం రాజ్​భవన్ తరపున స్వయం ఉపాధిపై శిక్షణా కార్యక్రమాలు చేపడతామని గవర్నర్​ పేర్కొన్నారు. తద్వారా ఆర్థికంగా వారు నిలదొక్కుకోవడానికి వీలుంటుందని వివరించారు. ఈ సందర్భంగా సైనిక్ వెల్ఫేర్​ ఫండ్ కోసం కృషి చేసిన రంగారెడ్డి, నిజామాబాద్ జిల్లాలకు చెందిన పలువురు సభ్యులకు మెమొంటోలు అందజేశారు. ప్రతి ఒక్కరూ తమకు తోచినంత సాయాన్ని తెలంగాణ సైనిక్ వెల్ఫేర్​కు అందజేయాలని గవర్నర్​ కోరారు.

ఇదీ ​చదవండి :తెలంగాణ పత్తికి అంతర్జాతీయ బ్రాండ్‌ ఇమేజ్ తీసుకురావాలి: కేసీఆర్