చెరువులు, నాలాల దురాక్రమణపై తెలంగాణ హైకోర్టుకు వెళ్లండి: ఎన్జీటీ

14:29 October 29

చెరువులు, నాలాల దురాక్రమణపై తెలంగాణ హైకోర్టుకు వెళ్లండి: ఎన్జీటీ

హైదరాబాద్‌లో చెరువులు, నాలాల దురాక్రమణపై విచారించేందుకు ఎన్జీటీ చెన్నై ధర్మాసనం నిరాకరించింది. భాగ్యనగరంలో చెరువులు, నాలాల ఆక్రమణ జరిగిందని.. ఇటీవలి వరదలకు ఇదే ప్రధాన కారణమంటూ... జర్నలిస్టు సిల్వేరి శ్రీశైలం పిటిషన్​ దాఖలు చేశారు. ఈ వ్యవహారంపై తెలంగాణ ప్రభుత్వం ఏర్పాటు చేసిన కిర్లాస్కర్​ కమిటీ ప్రతిపాదనలు అమలుకావట్లేదని పిటిషనర్​ ఎన్జీటీకి తెలిపారు.  

అయితే కమిటీ ప్రతిపాదనలు అమలు చేయాలని తాము ప్రభుత్వానికి చెప్పలేమని ఎన్జీటీ తెలిపింది. తెలంగాణ హైకోర్టుకు వెళ్లాలని సూచించింది. ఎన్జీటీ సూచన మేరకు సిల్వేరి శ్రీశైలం పిటిషన్​ను ఉపసంహరించుకున్నారు.  

ఇదీ చదవండి:'ధరణి' లో కోటి 45 లక్షల 58 వేల ఎకరాల భూముల వివరాలు: కేసీఆర్​