'శ్రీశైలం మృతుల కుటుంబాలకు అండగా ఉంటాం'

శ్రీశైలం ఘటనలో ప్రాణాలు కోల్పోయిన ఉద్యోగుల కుటుంబాలను సోమవారం జెన్​కో, ట్రాన్స్​కో సీఎండీ ప్రభాకర్​రావు పరామర్శించారు. విధి నిర్వహణలో ప్రాణాలు వదిలిన విద్యుత్ ఉద్యోగులందరికీ అన్ని విధాలా అండగా ఉంటామని సీఎండీ ప్రభాకర్​రావు భరోసానిచ్చారు.

శ్రీశైలం విద్యుత్​ ప్లాంట్​లో జరిగిన ప్రమాదంలో చివరి క్షణాల వరకు ప్రాణాలతో పోరాడి మృతి చెందిన ఏఈ మోహన్​కుమార్​ కుటుంబసభ్యులను ట్రాన్స్​కో, జెన్​కో సీఎండీ ప్రభాకర్​రావు పరామర్శించారు. మేడ్చల్​ మల్కాజిగిరి జిల్లా సుచిత్ర భాగ్యలక్ష్మీ కాలనీలో నివాసముంటున్న వీరి కుటుంబసభ్యులను పరామర్శించి.. ప్రభుత్వం తరపు నుంచి అన్ని విధాలుగా ఆదుకుంటామని ప్రభాకర్​రావు హామీ ఇచ్చారు.

'శ్రీశైలం ఘటనలో మరణించినా వారి కుటుంబాలకు అండగా ఉంటాం'

అనంతరం చంపాపేటలో ఉంటున్న డీఈ శ్రీనివాస గౌడ్, ఆజంపూర్​లో ఉంటున్న ఉజ్మా ఫాతిమా, జీడిమెట్లలో ఉంటున్న ఏఈ మోహన్ కుమార్ కుటుంబ సభ్యులను ప్రభాకర్ రావు పరామర్శించారు. విధి నిర్వహణలో ప్రాణాలు వదిలిన విద్యుత్ ఉద్యోగులందరికీ అన్ని విధాలా అండగా ఉంటామని సీఎండీ ప్రభాకర్​రావు భరోసానిచ్చారు. శ్రీశైలం ప్రమాదం తనను ఎంతగానో క్షోభపెట్టిందని ఆయన బాధపడ్డారు.

ఇదీ చదవండి-భూమికి అత్యంత సమీపానికి వచ్చిన గ్రహశకలం