చంపాపేట్​లో తెరాస, కాంగ్రెస్​ నేతల పరస్పర దాడి

హైదరాబాద్​ చంపాపేట్​లో తెరాస, కాంగ్రెస్​ నేతల మధ్య ఘర్షణ చోటుచేసుకుంది. ఎమ్మెల్యే అనుచరులు తనపై ఉద్దేశపూర్వకంగానే దాడి చేశారని కార్పొరేటర్​ రమణా రెడ్డి ఆరోపించారు.

హైదరాబాద్ చంపాపేట్​లో తెరాస, కాంగ్రెస్‌ నేతలు పరస్పర దాడులకు దిగారు. చంపాపేట్ డివిజన్ కార్పొరేటర్​పై ఎమ్మెల్యే సుధీర్ రెడ్డి అనుచరులు దాడి చేశారు. ఇటీవల డివిజన్​లో మృతిచెందిన ఓ వ్యక్తి కుటుంబ సభ్యులను పరామర్శించడానికి కార్పొరేటర్​కు సమాచారం ఇవ్వకుండా ఎమ్మెల్యే వెళ్లడమే గొడవకు దారి తీసింది.

తనపై పోటీ చేసి ఓడిపోయిన కాంగ్రెస్ పార్టీ​ నాయకులకు అధిక ప్రాధాన్యతనిస్తూ తనను అవమానిస్తున్నారని కార్పొరేటర్​ సామ రమణారెడ్డి ఆవేదన వ్యక్తం చేశారు. ఎమ్మెల్యే అనుచరులు ఉద్దేశపూర్వకంగానే తనపై దాడి చేశారని తెలిపారు.

ఇవీ చూడండి: సాహసయాత్ర... తండ్రి భయాన్ని ఆ కూతురు జయించేసింది!