హైదరాబాద్​లో మరో ఆకలి తీర్చే కేంద్రం ఏర్పాటు

మిగిలిపోయిన ఆహార పదార్థాలను వృథాగా పారేయకుండా అవసరమైన వారికి అందిస్తే వారి ఆకలి తీర్చినవారవుతాం. కానీ అలాంటి వారికి ఇచ్చేందుకు సమయం, సందర్భం రాకపోవచ్చు. వారికోసమే "ఫీడ్​ ద నీడ్"​ పేరుతో ఫ్రిడ్జ్​లను ఏర్పాటు చేసింది ఆపిల్‌ హోం ఫర్ ఆర్ఫన్ కిడ్స్​ సొసైటీ.

హైదరాబాద్ బంజారాహిల్స్‌ నిమ్స్‌ ఆసుపత్రి వెనుక ద్వారం వద్ద ఆపిల్‌ ఫ్రిడ్జ్‌ ను లాంఛనంగా ప్రారంభించారు. ఆపిల్‌ హోం ఫర్ ఆర్ఫన్కిడ్స్‌, జీహెచ్​ఎంసీ ఆధ్వర్యంలో ఫీడ్ ద నీడ్ కార్యక్రమంలో భాగంగా అన్నార్థుల ఆకలి తీర్చేందుకు ఈ కార్యక్రమానికి శ్రీకారం చుట్టారు. జంట నగరాల్లోని హోటల్​ యజామాన్యాలు, వివాహాది, శుభకార్యాల్లో మిగిలిపోయిన ఆహారం వృథా చేయకుండా ఫీడ్ ద నీడ్ కేంద్రంలో పెడితే చాలు.. పేదలు, అన్నార్థులు తీసుకుంటారని ప్రముఖ సినీ నిర్మాత సురేశ్​ బాబు అన్నారు.

ఆకలి లేని హైదరాబాద్​ను సాధిద్దాం

సురక్షిత పద్ధతుల్లో రిఫ్రిజిరేటర్ ఏర్పాటు చేసి ఎల్లవేళలా ఆకలి తీర్చేలా ఏర్పాట్లు చేయడం శుభపరిణామం. ఆకలి లేని హైదరాబాద్​గా తీర్చిదిద్దాలనే లక్ష్యంతో ఇప్పటికే రెండు చోట్ల ఫీడ్ ద నీడ్ కేంద్రాలు ప్రారంభించామని ఆపిల్‌ హోం ఫర్ ఆర్ఫన్స్‌ కిడ్స్‌ వ్యవస్థాపకులు డాక్టర్ నీలిమ ఆర్య అన్నారు. ఆకలితో ఉన్న వారెవరైనా ఈ కేంద్రాలకు వచ్చి ఆహారం ఉచితంగా తీసుకోవచ్చని నిర్వాహకులు తెలిపారు.

ఇదీ చూడండి:అమీర్​పేట్​-హైటెక్​సిటీ మార్గంలో మెట్రో పరుగులు