బడ్జెట్​కు రంగం సిద్ధం

రాష్ట్ర బడ్జెట్ ఈసారి రెండు లక్షల కోట్ల రూపాయలు దాటనుందని అంచనా. 2019-20 ఆర్థిక సంవత్సరం మెుదటి నాలుగు నెలల బడ్జెట్​ను శాసనసభ ఆమోదించనుంది.

రాష్ట్ర ఓట్​ఆన్ అకౌంట్​ బడ్జెట్​కు ఆర్థికశాఖ సిద్ధమైంది. పరిమిత కాలానికే ఆమోదించే బడ్జెట్ అయినా 2019-20 సంవత్సరానికి పూర్తిస్థాయి బడ్జెట్​ ప్రవేశపెట్టాలని ప్రభుత్వం నిర్ణయించింది. కేంద్రం నుంచి వచ్చే గ్రాంట్ ఇన్ ఎయిడ్​తో పాటు ఇతర తోడ్పాటు, పన్నుల వాటాకు సంబంధించి ప్రాథమిక అంచనాలతో బడ్జెట్ రూపొందించనున్నారు.

బడ్జెట్ రెండు లక్షల కోట్ల రూపాయలు దాటనుందని అంచనా. 2019-20 ఆర్థిక సంవత్సరం మెుదటి నాలుగు నెలల బడ్జెట్​ను శాసనసభ ఆమోదించనుంది. సాగునీటి రంగం, వ్యవసాయం, సంక్షేమ రంగాలకు ఈసారి బడ్జెట్​లో అత్యధిక నిధులు దక్కనున్నాయి. సాగునీటి రంగానికి కనీస మెుత్తంగా రూ.25 వేల కోట్లను ప్రతిపాదించనున్నారు.
రైతుబంధు పథకం పెట్టుబడి రాయితీ ఎకరాకు ఐదువేల రూపాయలు పెరిగిన నేపథ్యంలో ఈసారి రూ.14 వేల కోట్లకు పైగా కేటాయించనున్నారు. లక్ష రూపాయల వరకు వ్యవసాయ రుణాల మాఫీ, ఆసరా పింఛన్ల మెుత్తం ఈసారి 10వేల కోట్ల రూపాయలు దాటనుంది. గత బడ్జెట్​లో ఆసరా పింఛన్లకు రూ.5,300 కోట్లను కేటాయించింది. రెండు పడకగదుల ఇళ్ల నిర్మాణంతో పాటు గృహ నిర్మాణానికి నిధులు పెరగనున్నాయి. గురుకుల విద్యకు అధిక ప్రాధాన్యంగా నిధులను పెంచనున్నారు.