డిగ్రీ ఆన్లైన్ దరఖాస్తు గడుపు పెంపు
డిగ్రీ ఆన్లైన్ దరఖాస్తుల గడువును అధికారులు మరో రెండు రోజులు పొడిగించారు. ఈనెల 5, 6 తేదీల్లో కూడా ఆలస్య రుసుము లేకుండా రూ. 200 చెల్లించి ఆన్లైన్లో దరఖాస్తు చేసుకోవచ్చని దోస్త్ కన్వీనర్ ఆచార్య లింబాద్రి తెలిపారు. కొంత మంది రిజిస్ట్రేషన్ చేసుకున్నప్పటికీ... వెబ్ ఆప్షన్లు ఇవ్వలేదని పేర్కొన్నారు. అలాంటి వారు ఈ రెండు రోజుల్లో ప్రక్రియ పూర్తి చేయాలని సూచించారు. ఇప్పటి వరకు లక్షా 18 వేల 329 మంది రిజిస్ట్రేషన్ చేసుకోగా... లక్ష 7వేల 268 మంది దరఖాస్తులు సమర్పించారని అన్నారు. మొత్తం 99 వేల 325 మంది వెబ్ ఆప్షన్లు ఇచ్చారని దోస్త్ కన్వీనర్ తెలిపారు.