రేవంత్​ రెడ్డి అరెస్టును పార్లమెంటులో ప్రస్తావించిన తమిళనాడు ఎంపీ

మల్కాజిగిరి​ ఎంపీ రేవంత్​ రెడ్డి అరెస్టుపై లోక్​సభలో తమిళనాడు కాంగ్రెస్​ ఎంపీ మాణిక్యం ఠాకూర్​ ప్రస్తావించారు. అక్రమంగా అరెస్టు చేశారని సభ దృష్టికి తీసుకెళ్లారు.

కాంగ్రెస్​ ఎంపీ రేవంత్​ రెడ్డి అరెస్టును తమిళనాడు ఎంపీ మాణిక్యం ఠాకూర్​ తప్పుబట్టారు. లోక్​సభ సమావేశాలు జరుతున్న సమయంలో అరెస్టు చేయడాన్ని పరిగణలోకి తీసుకోవాలని కోరారు.

ఎంపీ మాణిక్యం వ్యాఖ్యలను తెరాస ఎంపీలు నామ నాగేశ్వరరావు, కొత్త ప్రభాకర్​రెడ్డి, బీబీ పాటిల్​, వైకాపా ఎంపీ రఘురామకృష్ణరాజు అడ్డుకునేందుకు యత్నించారు. డ్రోన్​ ద్వారా చిత్రీకరణకు రేవంత్​ ప్రోత్సహించారని, అవకాశం ఇస్తే రేపు ప్రధాన మంత్రి ఇంటిపైనా డ్రోన్లు ఎగురవేస్తారని ఎంపీ నామ సభకు వివరించారు.

ఎంపీ నామ మాట్లాడుతుండగా అడ్డుకున్న కాంగ్రెస్​ ఎంపీలు.. రాజకీయ కారణాలతో రేవంత్​ రెడ్డిని అరెస్టు చేయడం అనైతికమన్నారు. రేవంత్​ను విడుదల చేసేందుకు చర్యలు తీసుకోవాలని స్పీకర్​ను కోరారు.

• ఇదీ చూడండి :రేవంత్ రెడ్డి పిటిషన్ల విచారణ మంగళవారానికి వాయిదా