Rayadurgam RTC Depo: ఆంధ్రప్రదేశ్లోని అనంతపురం జిల్లా రాయదుర్గం ఆర్టీసీ డిపోకు కర్ణాటక నుంచి డీజిల్ వస్తున్నట్లు అనుమానంతో సేల్స్‌ టాక్స్ అధికారులు ఓ డీజిల్ ట్యాంకర్ను పట్టుకున్నారు. డీజిల్ ట్యాంకర్ డ్రైవర్ను పట్టుకుని విచారించగా అసలు నిజాలు బయటకు వచ్చాయి. ఆర్టీసీ డిపోకు కర్ణాటక నుంచి డీజిల్ కొనుగోలు చేసినట్లు డిపో మేనేజర్ సురేష్ వెల్లడించారు. సేల్స్‌ టాక్స్ అధికారులు డిపోకు సరఫరా చేసిన డీజిల్ ట్యాంకర్ను తనిఖీ చేసినట్లు చెప్పారు. బహిరంగ మార్కెట్లో లీటర్ డీజిల్ 99 రూపాయల 63పైసలు కాగా.. పెద్ద మొత్తంగా కొనుగోలు చేసినట్లయితే లీటర్ మీద 2 రూపాయలు తగ్గింపు ఉంటుందని తెలిపారు. అందుకే కర్ణాటక నుంచి డీజిల్ కొనుగోలు చేసినట్లు సురేష్ వివరించారు.
ఆంధ్రప్రదేశ్ ఆర్టీసీ డిపోకు కర్ణాటక డీజిల్