అనవసరమైన అపోహలు వీడి ప్రతి ఒక్కరూ కరోనా టీకా వేయించుకోవడానికి ముందుకు రావాలని ఉప సభాపతి తీగుల్ల పద్మారావు గౌడ్ పిలుపునిచ్చారు. సికింద్రాబాద్ నియోజకవర్గం పరిధిలోని మెట్టుగూడ ఆరోగ్య కేంద్రంలో కొవిడ్ వ్యాక్సిన్ పంపిణీ కార్యక్రమాన్ని ఆయన ప్రారంభించారు.
అపోహలు వీడండి.. టీకా వేయించుకోండి: ఉప సభాపతి
సికింద్రాబాద్ పరిధిలోని మెట్టుగూడ ఆరోగ్య కేంద్రంలో కరోనా టీకా పంపిణీ కార్యక్రమాన్ని ఉప సభాపతి పద్మారావు గౌడ్ ప్రారంభించారు. తొలి దశలో కరోనా యోధులకే వ్యాక్సిన్ ఇస్తున్నామన్న ఆయన త్వరలోనే ప్రజలందరికీ టీకాను అందుబాటులోకి తెచ్చేందుకు చర్యలు చేపడుతున్నామని తెలిపారు.
అపోహలు వీడండి.. టీకా వేయించుకోండి: ఉప సభాపతి
కరోనా మహమ్మారిని ఎదుర్కొనే క్రమంలో ప్రజలంతా ఎన్నో ఇబ్బందులు పడాల్సివచ్చిందని పద్మారావు గౌడ్ అన్నారు. తొలి దశలో వైద్య, పారిశుద్ధ్య కార్మికులకు టీకా ఇస్తున్నామన్న ఆయన ఆ తర్వాత ప్రజలందరికీ వ్యాక్సిన్ అందించేందుకు రాష్ట్ర ప్రభుత్వం ఏర్పాట్లు చేస్తోందని తెలిపారు. ఈ కార్యక్రమంలో జీహెచ్ఎంసీ ఉప కమిషనర్ మోహన్రెడ్డి, వైద్యఆరోగ్య శాఖ అధికారులు శ్రీమతి సక్కుబాయి, డాక్టర్ యాదయ్య, కార్పొరేటర్ శ్రీమతి రాసురి సునీత తదితరులు పాల్గొన్నారు.
ఇదీ చదవండి:శ్మశానంలో బారసాల.. ఎందుకో తెలుసా?