లోక్​సభ ఎన్నికలే టార్గెట్​..

గత వైఫల్యాలతో అప్రమత్తమైన కాంగ్రెస్​ పార్టీ లోక్​సభ ఎన్నికలకు కసరత్తు ముమ్మరం చేసింది. ఉత్తమ్​, భట్టి, జానారెడ్డి, షబ్బీర్​ అలీ, రేవంత్​రెడ్డితో పాటు పలువురు సీనియర్లకు అధిష్ఠానం కీలక బాధ్యతలను అప్పగించింది.

ఇటీవల జరిగిన శాసన సభ, పంచాయతీ ఎన్నికల వైఫల్యాలను దృష్టిలో ఉంచుకొని కాంగ్రెస్​ అధిష్ఠానం దిద్దుబాటు చర్యలను ప్రారంభించింది. లోక్​సభ ఎన్నికలను అత్యంత ప్రతిష్ఠాత్మకంగా తీసుకున్న రాహుల్​ గాంధీ ముమ్మర కసరత్తులు చేస్తున్నారు. రాష్ట్ర పార్టీలోని ఐదు విభాగాలకు ఏఐసీసీ కమిటీలను నియమించారు. నూతన సారధులను ఏఐసీసీ ప్రధాన కార్యదర్శి కేసీ వేణుగోపాల్​ ప్రకటించారు.

కుంతియా ఛైర్మన్​గా , కన్వీనర్​గా ఉత్తమ్​కుమార్​ రెడ్డి సభ్యులుగా భట్టి విక్రమార్క, జానారెడ్డి, షబ్బీర్​ అలీ, వి హనుమంతురాలతో పాటు మరో 37 మందితో పార్టీ కో ఆర్టినేషన్​ కమిటీని నియమించారు. ప్రచార కమిటీకి సారధిగా విజయశాంతి, కో ఛైర్​పర్సన్​గా డీకే అరుణలతో పాటు మరో 20 మందిని ప్రకటించారు.
మీడియా సమన్వయ కమిటీ ఛైర్మన్​గా మధుయాస్కీ, కన్వీనర్​గా దాసోజు శ్రవణ్​లు నియమితులయ్యారు. పబ్లిసిటీ కమిటీ ఛైర్మన్​గా కోమటి రెడ్డి రాజగోపాల్​రెడ్డికి బాధ్యతలు అప్పగించారు. పీసీసీ అధ్యక్షుడు ఉత్తమ్​, సీఎల్పీ నేత భట్టి విక్రమార్క, రేవంత్​రెడ్డి, పొన్నం ప్రభాకర్​, కుసుమకుమార్​, అజారుద్దీన్​, జానారెడ్డి, షబ్బీర్​ అలీ, సహా 24 మందితో కూడిన ఎన్నికల కమిటీని ఏర్పాటుచేశారు. ఒకటి రెండు రోజుల్లో లోక్​సభ నియోజకవర్గాల వారిగా సమావేశాలు నిర్వహించి అభ్యర్థులను ఎంపిక చేయనున్నారు.