కాంగ్రెస్​ పార్టీ కార్యాలయం కూల్చివేతపై ఉద్రిక్తత

కూకట్​పల్లిలోని ప్రగతినగర్​లో కాంగ్రెస్​ పార్టీ కార్యాలయం కూల్చిన ఘటన ఉద్రిక్తతకు దారితీసింది. హస్తం నాయకులు పెద్ద ఎత్తున అక్కడికి చేరుకుని కూల్చివేతను అడ్డుకున్నారు. ఘటనపై చర్యలు తీసుకోవాలని పోలీసులకు ఫిర్యాదు చేశారు.

హైదరాబాద్​ కూకట్​పల్లి డివిజన్​ ప్రగతినగర్​ కాలనీలో కాంగ్రెస్​ పార్టీ కార్యాలయం కూల్చివేత ఉద్రిక్తతకు దారితీసింది. మధ్యాహ్నం 3 గంటలకు ప్రధాన రహదారి పక్కన ఉన్న భవనాన్ని తెరాస నాయకుడు లక్ష్మీ నారాయణ జేసీబీ సాయంతో కూల్చివేశారు. విషయం తెలుసుకున్న హస్తం నాయకులు ఘటనా స్థలానికి చేరుకుని అడ్డుకునే క్రమంలో గొడవ మొదలైంది. కూల్చిన చోటే కొత్తది నిర్మించాలని కాంగ్రెస్​ నేతలు ఆందోళనకు దిగారు . తెరాస నాయకుణ్ని జగద్గిరిగుట్ట పోలీసులకు అప్పగించారు. ఘటనపై చర్యలు తీసుకోవాలని ఫిర్యాదు చేశారు.

ఇదీ చదవండి : దీక్షను విరమించిన లక్ష్మణ్... రేపు డిశ్ఛార్జ్...