MP Komatireddy: హుజూరాబాద్​లో 'కాంగ్రెస్ పరిస్థితి'పై కోమటిరెడ్డి కీలక వ్యాఖ్యలు

హుజూరాబాద్​ ఉపఎన్నికలో కాంగ్రెస్ ఘోర పరాజయంపై ఎంపీ కోమటిరెడ్డి వెంకటరెడ్డి కీలక వ్యాఖ్యలు చేశారు. అక్కడి వాస్తవ పరిస్థితులను కాంగ్రెస్‌ హైకమాండ్‌కు వివరిస్తానని భువనగిగిరి ఎంపీ కోమటిరెడ్డి వెంకట్​ రెడ్డి(MP Komatireddy Venkata Reddy comments on Huzurabad by poll) అన్నారు. ఈటల రాజేందర్ ఎమ్మెల్యే పదవికి రాజీనామా చేసి ఐదు నెలలైనా కాంగ్రెస్​ పట్టించుకోలేదని ఆయన మండిపడ్డారు.

దుబ్బాక, నాగార్జునసాగర్​లో పని చేసినట్లుగా హుజూరాబాద్‌లో కాంగ్రెస్ పని చేయలేదని ఎంపీ కోమటిరెడ్డి వెంకట్ రెడ్డి(MP Komatireddy venkat reddy) విమర్శించారు. హుజూరాబాద్‌ ఉపఎన్నిక వాస్తవ పరిస్థితులపై కాంగ్రెస్ అధిష్ఠానానికి వివరిస్తానని ఆయన తెలిపారు. ఇవాళ జరుగుతున్న ఉప ఎన్నిక కౌంటింగ్​ సందర్భంగా ఆయన స్పందించారు.

ఈటల రాజేందర్ ఎమ్మెల్యే పదవికి రాజీనామా చేసి 5 నెలలు గడిచినా కాంగ్రెస్ పార్టీ పట్టించుకోలేదన్నారు. ఎన్నికల నోటిఫికేషన్ వచ్చేవరకు ఒక్క సభ కూడా నిర్వహించలేదని ఆరోపించారు. హుజూరాబాద్‌లో కాంగ్రెస్​కు గట్టి క్యాడర్ ఉందని తెలిపారు. కార్యకర్తలను తమవైపుకు తిప్పుకోవడంలో కాంగ్రెస్ ప్రయత్నించలేదని విమర్శించారు. పార్టీ కార్యకర్తలు అధైర్యపడొద్దని ఎల్లప్పుడు అందరికీ అందుబాటులో ఉంటానని కోమటిరెడ్డి వెంకట్​ రెడ్డి స్పష్టం చేశారు.

ఇదీ చూడండి: