Telangana Congress MLA Candidates List : సెప్టెంబర్​లో మొదటివారంలో.. కాంగ్రెస్​ అభ్యర్థుల తొలి జాబితా

Telangana Congress MLA Candidates List : రాష్ట్రంలో అధికార బీఆర్ఎస్ అభ్యర్ధులను ప్రకటించడంతో.. కాంగ్రెస్‌ గెలుపు గుర్రాల ప్రకటనపై ప్రత్యేక దృష్టి సారించాల్సిన ఆవశ్యకత ఏర్పడింది. అభ్యర్ధుల ఎంపికపై కసరత్తు మరింత వేగవంతం చేయాలని హస్తం పార్టీ భావిస్తుంది. బీఆర్ఎస్ టికెట్ల ప్రకటనలో స్వల్పమార్పులు మినహాయిస్తే.. దాదాపు సిట్టింగ్‌లనే అభ్యర్థులుగా ప్రకటించడంతో ఎమ్మెల్యేలపై ఉన్న తీవ్ర వ్యతిరేకత.. కాంగ్రెస్‌ పార్టీ గెలుపునకు దోహదం చేస్తుందని పీసీసీ అంచనా వేస్తోంది. ముఖ్యమంత్రి కేసీఆర్‌ రెండు చోట్ల బరిలో దిగడాన్ని ఎన్నికల అస్త్రంగా మలుచుకోనున్నట్లు తెలుస్తుంది.

Telangana Congress MLA Candidates List :రాష్ట్రంలో ఎన్నికల వేడి మరింత పెరిగింది. ఇంతకాలం సభలు, సమావేశాలకు పరిమితమైన రాజకీయ పార్టీలు అభ్యర్థుల ప్రకటనపై కసరత్తును పెంచుతున్నాయి. అధికార బీఆర్ఎస్ ఒకడుగు ముందుకేసి.. ఒకేసారి 115 స్థానాలకు అభ్యర్థులను(BRS Candidates List 2023) ప్రకటించడంతో కాంగ్రెస్‌ సైతం గెలుపు గుర్రాల ఎంపికపై కసరత్తును మరింత వేగవంతం చేయాలని భావిస్తోంది.

Congress Focus On MLA Candidates First List 2023 : ఇప్పటికే అశావహుల నుంచి దరఖాస్తులుతీసుకుంటున్నరాష్ట్ర కాంగ్రెస్‌ ఈనెల 25వ తేదీ వరకు అర్జీల స్వీకరణ కార్యక్రమాన్ని పూర్తి చేయనుంది. అనంతరం దరఖాస్తులను పరిశీలన చేసి అర్హులైన వారితో నియోజకవర్గాల వారీగా.. అధికార పార్టీ అభ్యర్థులను ధీటుగా ఎదుర్కొనే గెలుపు గుర్రాల జాబితాను కేరళకు చెందిన కరుణాకరణ్‌ నేతృత్వంలో ఏర్పాటైన స్క్రీనింగ్‌ కమిటీకి నివేదిస్తుంది.

ఆ కమిటీ చర్చించి మెరుగైన నాయకులతో కూడిన జాబితాను.. కేంద్ర ఎన్నికల కమిటీకి పంపుతుంది. అందులో ఏమైనా సమస్యలున్నప్పుడు సీడబ్ల్యూసీ దృష్టికి తీసుకెళతారు. అధిష్ఠానం నిర్ణయం మేరకు అభ్యర్థులను ప్రకటిస్తారు. ఆ ప్రక్రియకు రెండు నుంచి మూడువారాలు పడుతుందనికాంగ్రెస్‌ అంచనా వేస్తోంది. కసరత్తును మరింత వేగవంతం చేసి వచ్చే నెల మొదటి వారంలో తొలి జాబితానైనా ప్రకటన చేయాలని రాష్ట్ర కాంగ్రెస్‌ భావిస్తోంది.

BRS MLA Candidates List Telangana 2023 : బీఆర్ఎస్ ఏడుగురిని మినహా సిట్టింగ్‌లనే అభ్యర్ధులుగా ప్రకటించడంతో ఎమ్మెల్యేలపై ఉన్న వ్యతిరేకతను కాంగ్రెస్ సద్వినియోగం చేసుకోవాలని యోచిస్తోంది. గత పదేళ్లలో బీఆర్ఎస్ నాయకుల పనితీరుతో ప్రజలు పడిన ఇబ్బందులను ఇంటింటికి తీసుకెళ్లే దిశలో పక్కా ప్రణాళికలు సిద్ధం చేస్తోంది. నియోజకవర్గాల వారీగా సమాచారాన్ని క్రోడీకరించి.. వ్యతిరేకతను జనంలోకి తీసుకెళ్లడానికి అవసరమైన వ్యూహంతో ముందుకు వెళ్లతామని కాంగ్రెస్ వర్గాలు వెల్లడిస్తున్నాయి.

మైనర్టీ నాయకుడిపై సీఎం పోటీ : ముఖ్యమంత్రి కేసీఆర్‌ గజ్వేల్‌తో పాటు కామారెడ్డిలోనూ పోటీ(CM KCR Contests from Two Seats) చేయనున్నట్లు ప్రకటించడంతో కాంగ్రెస్‌ విమర్శలకు మరింత పదును పెట్టింది. ఓటమి భయంతో సీఎం కేసీఆర్‌ రెండుచోట్ల పోటీ చేస్తున్నారన్న అంశాన్ని విస్తృతంగా ప్రజల్లోకి తీసుకెళ్లాలని పీసీసీ భావిస్తోంది.

మైనార్టీ నాయకుడిపై సీఎం స్థాయి వ్యక్తి పోటీ చేస్తున్నారన్న విషయాన్ని అనుకూలంగా మార్చుకునేందుకు కాంగ్రెస్‌ యత్నిస్తోంది. ఇప్పటికే బీఆర్ఎస్ అభ్యర్థులను ప్రకటించినందున ఆ పార్టీ నేతలు, అధికార దుర్వినియోగానికి పాల్పడే అవకాశం ఉందని రాష్ట్రంలో తక్షణమే ఎన్నికల నియమావళి అమల్లోకి తేవాలని కేంద్ర ఎన్నికల సంఘానికి కాంగ్రెస్‌ నేత నిరంజన్‌ లేఖ రాశారు.