తహసీల్దార్ విజయారెడ్డి హత్య సంఘటనపై సీబీఐ విచారణ జరిపించాలని కాంగ్రెస్ సీనియర్ నేత వి. హనుమంతరావు డిమాండ్ చేశారు. ఈ హత్య వెనుక ఎవరెవరున్నారన్న వాస్తవాలు సీబీఐ విచారణతోనే బయటపడతాయన్నారు. సీఎం కేసీఆర్ తీసుకొచ్చిన కొత్త రెవెన్యూ చట్టంలో అనేక అవకతవకలు ఉన్నాయని... విజయారెడ్డి హత్య జరగడానికి అదే కారణమన్నారు. ప్రభుత్వ తప్పిదం వల్లనే విజయారెడ్డి హత్య జరిగిందని ఆరోపించారు. తహసీల్దార్ను హత్య చేసిన సురేశ్... తెరాస కార్యకర్తేనని పేర్కొన్నారు. రాష్ట్రంలో రియల్ఎస్టేట్ మాఫీయా పెరిగిపోయిందన్నారు. రాష్ట్రంలో రెవెన్యూ, పోలీసు శాఖలో పారదర్శకత తీసుకురావాలంటే ఆయా శాఖల బృందాలను కర్ణాటక విధానాలపై అధ్యయనం చేయించాలని వీహెచ్ సూచించారు.
'విజయారెడ్డి హత్యపై సీబీఐ విచారణ జరపాలి'