సంక్రాంతి సంబరాల్లో డ్యాన్స్‌తో అదరగొట్టిన కలెక్టర్, ఎమ్మెల్యే
Sankranti Celebrations : ప్రజా జీవితంలో నిత్యం తలమునకలై ఉండే జిల్లా కలెక్టర్, ఎమ్మెల్యే సంక్రాంతి సందర్భంగా ఏర్పాటు చేసిన సంబురాల్లో డ్యాన్స్‌ చేసి అలరించారు. ఏపీలోని పల్నాడు జిల్లా కేంద్రం నరసరావుపేటలో కోడెల స్టేడియంలో నిర్వహిస్తున్న సంక్రాంతి సంబురాల్లో.. జిల్లా కలెక్టర్ శివశంకర్, స్థానిక ఎమ్మెల్యే గోపిరెడ్డి శ్రీనివాసరెడ్డి స్టేజీపై సినిమా పాటలకు స్టెప్పులేస్తూ ఉత్సాహంగా గడిపారు. ప్రముఖ గాయని సునీత టీమ్తో కలిసి కలెక్టర్, ఎమ్మెల్యే చేసిన నృత్యాలు వేడుకలకు విచ్చేసిన వారిని ఆకట్టుకున్నాయి.