సీఎంఆర్​ఎఫ్​ చెక్కులు పంపిణీ చేసిన ఉపసభాపతి

వైద్యం చేయించుకోలేని నిరుపేదలకు.. ముఖ్యమంత్రి సహాయ నిధి ఎంతగానో ఉపయోగపడుతోందని ఉపసభాపతి తీగుల్ల పద్మారావు గౌడ్ పేర్కొన్నారు. సికింద్రాబాద్​ నియోజకవర్గానికి చెందిన ఇద్దరు లబ్ధిదారులకు.. ఆయన సీఎంఆర్​ఎఫ్​ చెక్కులను అందజేశారు.

ఉపసభాపతి తీగుల్ల పద్మారావు గౌడ్.. సికింద్రాబాద్​లోని క్యాంపు కార్యాలయంలో సమావేశమయ్యారు. నియోజకవర్గానికి చెందిన నాగమణి (సీతాఫల్​మండీ), శంకర్ రావు (షాబాజ్ గూడా)లకు.. సీఎంఆర్​ఎఫ్​ చెక్కులను అందజేశారు.

కుటుంబసభ్యుల వైద్య చికిత్సకోసం చెరో రూ.లక్ష ఆర్థిక సాయం అందించిన ప్రభుత్వానికి.. లబ్ధిదారులు కృతజ్ఞతలు తెలిపారు. వైద్యం చేయించుకోలేని నిరుపేదలకు.. ముఖ్యమంత్రి సహాయ నిధి ఎంతగానో ఉపయోగపడుతోందని పద్మారావు వివరించారు.

ఇదీ చదవండి:అమల్లోకి రాత్రి కర్ఫ్యూ.. మే 1 వరకు ఆంక్షలు